منتديات شــباب المســتقبل

منتديات شباب المستقبل.... كل ما تتمناه ، اسلاميات ، ثقافة ، ألعاب ، رياضة ، ترفيه ........
 
الرئيسيةالبوابةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 أشهر جمل بيقولها الأب والأم

اذهب الى الأسفل 
كاتب الموضوعرسالة
Abedalellah
عضو فعال
عضو فعال
avatar

انثى
عدد الرسائل : 101
العمر : 32
الدولة : أم الدنيا
الوظيفة : مشروع طبيبة
المؤهل : ثانوية عامة
تاريخ التسجيل : 04/01/2007

مُساهمةموضوع: أشهر جمل بيقولها الأب والأم   الثلاثاء يناير 16, 2007 9:37 pm



انت فاكرنا لاقين الفلوس ديـــ في الشارع -

ما تتكلمش بصوت عالي في الحمام -

والله ما انت فالح .. وادي دقني أهه

ما تنمش غير لما تغسل سنانك.

ما تلزقش في التلفزيون كده .. نظرك هيضيع .

سلم على عمك كويس يا ولد

يا ابني محدش هينفعك .

ما تطلعش ايدك من الشباك .

قصة الغريق الكاذب اللي كل مره يقول الحقوني ... لحد ما غرق بجد .

ربنا يرزقك بعيل يوريك اللي ورتهوني .

ما تطلعش على الملايه النظيفه و رجليك متوسخه كده .

نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على
امك ؟

طلع ايدك من جيبك و انت بتكلمني .

ايه الا مبالاه و الاستهتار اللي انت عايش فيهم دول .

قوم اقرا لك كلمتين ينفعوك .

وطي المدعوق ده شويه .

انت فاكرنا نايمين على ودانا ؟

يا ابني انت مسطول
ولا ايه ؟

ما تلبسش القميص على اللحم زي العيال الصايعه .

بلاش أكل بره .

كلمنا لما توصل .

عيـــب ... لازم تحترم اللي أكبر منك .

لو شفت خناقه ما لكش دعوة بيها .

لازم تأكل سلطه .

اوعى تكدب عليا كده تاني مرره .

اوعى حد غريب يديلك حاجه تاكلها و تشربها و تاخدها منه .

يا ابني كلم خالتك العيانه اسأل عليها .

بلاش لعب في الشارع .

ما تعليش صوتك .

وانت فاكر احنا مستنيين منك حاجه .

المسلسل مش هينفعك ...قوم .


ما تقعدش قدام المروحه وانت مستحمي .

كفايه رغي في التليفونات .

بلاش وقفه الشببيك والبلكونات دي

كل على مهلك .. وامضغ كويس ... وما تكلش وانت واقف .. وكل من قدامك
ما تحفش .

اطفي التلفزيون وقوم ذاكر . أو اطفي التلفزيون و خش اوضتك .

ربنا يهديك ربنا يهديك ...

صليت العصر ؟!

ما تمشيش حافي في السقعة دي

ما فيش مذاكرة على المزيكا .. أو .. بتذاكر إزاي و البتاع ده شغال
جنبك .

افرد ظهرك .

ما تتأخرش بعد المدرسه و تقعد تصيع مع أصحابك .

بص كويس و انت بتعدي الشارع .

ومالها الكتب بتاعة الوزاره ؟!

اللي بيشيل قربه مخرومة بتخر عليه لوحده ..

لو مش فاهم حاجه ارفع ايدك و قول للأستاذ
مش فاهم .. متتكسفش .

تقعد في أول صف قدام السبوره .

ما تردش عليا .

مش عايز اسمع صوت .

مالكش دعوة بالسياسة .. وماتمشيش في مظاهرات .

التهديدات المخيفة شكلا و الكارتونية مضمونا : مثل: هأقطم رقبتك أو
هأقطع ايدك أو هأقطع لك لسانك أو هأدبحك دبح .

و أخيرا ::
ضرب امثلة تشجع على الكفاح و أشهرها أحد الأقارب اللي كان بيذاكر على
لمبة جاز أو على عامود النور الي في الشارع و نجح وخد الدكتوراه وسافر
أمريكا


كل اللي فات ده منقول ملحوظه بقي صغيرخ من عندي انا:

يمكن كتير بنضايق لما اهلنا بيدونا اوامر زي ما بنقول عليها
لكن الاكيد ان اهلنا مهما قالولنا فمش هنلاقي ناس يخافوا علينا وعلي مصلحتنا اكتر منهم
حتي لو طريقتهم مش عجبانا لكن لازم نتقبلها واحنا مبسوطين او علي الاقل منكونش مضايقين


_________________

يا قارىء خطى لا تبكى على موتى فاليوم أنا معك و غداً فى التراب فإن عشت فإنى معك و إن مت فللذكرى و يا ماراً على قبرى لا تعجب من أمرى بالأمس كنت معك وغداً انت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.ayamnaa.lolbb.com
 
أشهر جمل بيقولها الأب والأم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شــباب المســتقبل :: القسم العام :: المنتدى العام-
انتقل الى: